Türkiyədə yüzlərlə hektar meşə sahəsi yanıb.
Ucnoqta.az xəbər verir ki, bu barədə İhlas agentliyi məlumat yayıb. Məlumata görə, son sutka yarım ərzində baş verən meşə yanğınlarının bəziləri nəzarət altına alınıb.
Çanaqqala vilayətində 38 saatdan artıqdır ki, yanğın söndürmə işləri davam edir. Meşə yanğınının söndürülməsinə 20-dən çox təyyarə, onlarla yerüstü ekipaj və 500-ə yaxın insan cəlb olunub. Çərşənbə axşamı səhər saatlarından etibarən küləyin intensivliyinin azalması səbəbindən yanğınsöndürənlər üçün yanğının yayılmasına nəzarət etmək asanlaşıb.
Tekirdağ vilayətində, Malkara mahalında 300 hektar meşə sahəsi yanıb. Küləyin olmaması yanğınsöndürənlərə yanğının qarşısını almağa kömək edib. Yeddi kənd boşaldılıb.
Diyarbəkir və Hatay əyalətlərində güclü yanğın baş verib. Diyarbəkirdə yanğın yaxınlaşdıqca səlahiyyətlilər Lice mahalında 6 evi təxliyə etmək məcburiyyətində qalıb. Bir sıra kəndlərdə yanğınlar qeydə alınıb. Yanğınsöndürənlər alovun yayılmasının qarşısını almaq üçün çalışırlar.