Səudiyyə Ərəbistanının “Əl-Nəsr” klubunun hücumçusu Kriştiano Ronaldo Avropa futboluna qayıtmayacaq.
Ucnoqta.az xəbər verir ki, bu barədə futbolçunun özü, Sky Sport İtaliyanın jurnalisti və müxbiri Fabrizio Romano Tvitter hesabında məlumat verib.
“Mən 100% əminəm ki, heç bir Avropa klubuna qayıtmayacağam. Mən Səudiyyə Ərəbistanı liqasına yol açdım və indi bütün oyunçular bura gəlir”, - deyə futbolçunun sözlərini sitat gətirib.
Ronaldo yaşına da işarə edərək, "keyfiyyət baxımından çox şey itirdiyini" əlavə edib. Hazırda hücumçunun 38 yaşı var.
Ronaldonun sözlərinə görə, Səudiyyə Ərəbistanı klubuna keçmək qərarı digər görkəmli oyunçuları liqaya cəlb edib. “Mən “Yuventus”a keçəndə A Seriyası ölmüşdü və mən müqavilə imzaladıqdan sonra yenidən bərpa olundu. Kriştiano hara gedirsə, o, böyük maraq doğurur”, - deyə idmançı bildirib.
O, il ərzində Səudiyyə klublarına digər tanınmış futbolçuların da qoşulacağını etiraf edib.