“Bunu oyun günü öyrəndim” - 1000-ci oyununa çıxan Messi

Futbol üzrə Argentina millisinin hücumçusu Lionel Messi peşəkar karyerasında 1000-ci oyununa çıxıb.

Ucnoqta.az xəbər verir ki, 35 yaşlı futbolçunun yubileyi Qətərdə keçirilən dünya çempionatının 1/8 final mərhələsi çərçivəsində baş tutan Avstraliya ilə oyuna təsadüf edib.

Messi 1000-ci oyununu qol vurmaqla qeyd edib. Onun hesabı açdığı bu oyunda Argentina yığması da 2:1 qalib gəlib və 1/4 finala yüksəlib.

O, bununla bağlı deyib: “1000-ci oyunum olduğunu matç günü öyrəndim. Anı yaşayıram və yaşadıqlarımdan zövq almağa çalışıram”.

Xatırladaq ki, təcrübəli oyunçu İspaniya “Barselona”sında 778, hazırkı klubu Fransa PSJ-sində 53, yığmada isə 169 dəfə meydanda olub. O, bu görüşlərdə bütövlükdə 788 qola imza atıb, 338 məhsuldar ötürmə müəllifi olub.

Messi Argentina yığmasının heyətində dünya çempionatında vurduğu qol sayını da 9-a çatdırıb. Bununla da o, əfsanəvi hücumçu Dieqo Maradonanı geridə qoyub.///qafqazinfo

Tarix
4 Dekabr 2022 [12:18]
Müəllif
Üç nöqtə
2022-12-04 12:18:58
Xəbər xətti
Foto
Video
Çox oxunanlar
Sorğu
İnternetin sürətindən razısınız?
 bəli
 xeyr
 qismən
 bilmirəm
Virtual Qarabağ

Ən son xəbərləri səhifəmizdən də izləyin