Su resurslarından səmərəli istifadə ekoturizmin inkişafına da dəstəkdir...

Azərbaycanda ekoturizm marşrutları barədə nə bilirik?

Ucnoqta.az xəbər verir ki, Qloballaşan Dünyaya İnteqrasiya İctmai Birliyi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə “Bakı və rayonlarda Xəzər sahillərinin və digər su hövzələrinin monitorinqi” layihəsini həyata keçirir.

Azərbaycanda ekoturizm getdikcə daha cəlbedici və perspektivli turizm istiqamətlərindən birinə çevrilməkdədir. İşğaldan azad edilmiş ərazilərimizin əlverişli təbiəti, zəngin fauna və florası, çay, göl və digər su resursları ölkəmizin ekoturistik baxımdan cəlbediciliyini daha da artırır. Yetər ki, bu resurslar qayğıkeşliklə qorunsun və optimal şəkildə ekoturizmin inkişafı məqsədilə cəmiyyətimizə, yerli və xarici turistlərə təqdim edilsin.

Son dövrlərdə turizmin əsas növlərindən biri olaraq ekoturizmin inkişafına dəstək göstərilməsi Dövlət Turizm Agentliyinin prioritet fəaliyyyət istiqamətlərindəndir. Agentlikdən saytımıza verilən məlumata görə, ölkəmizin zəngin təbiəti, biomüxtəliflik imkanları, iqlim şəraiti ekoturizmin inkişaf etdirilməsi üçün geniş potensial yaradır. Bu potensialın reallaşdırılması üçün Dövlət Turizm Agentliyinin tabeliyindəki Azərbaycan Turizm Bürosu tərəfindən ilkin olaraq dağ piyada marşrutlarının yaradılması layihəsi icra edilib və dağ cığırları ilə 15 dağ piyada marşrutunun işərələnməsi həyata keçirilib.

Seçilmiş marşrutların çətinlik dərəcəsi asan və orta kimi qiymətləndirilib. Marşrutlar orta fiziki hazırlığa malik və heç bir ciddi fiziki problemi olmayan istənilən adamın istifadəsi üçün uyğundur. Dağ cığırlarının fiziki işarələnməsi ilə yanaşı, bütün marşrutların GPS (Global Positioning System) yazıları, xəritələrvə digər lazımi məlumatlar "azerbaijan.travel" vebsaytının müvafiq bölməsində yerləşdirilib.

İşarələnmiş marşrutlar nisbi olaraq Şimal, Şimal-Qərb və Qərb marşrutlarına ayrılır.

Həmçinin Dövlət Turizm Agentliyi tərəfindən 2023-cü ildə cənub turizm koridoru üzrə, o cümlədən Naxçıvan və Qarabağ regionlarında, eləcə də Basqal və Lahıc qoruqları arasında, Gədəbəy və Tovuz rayonlarını əhatə edən dağ piyada marşrutlarının qiymətləndirilməsi və layihələndirilməsi planlaşdırılır.

Bundan başqa, "Beşbarmaq dağı" Dövlət Tarix-Mədəniyyət və Təbiət Qoruğu ərazisində, Şirvan, Qızılağac, Hirkan və Ağgöl Milli Parkları, Mahmudçala və Varvara gölləri ətrafına quş müşahidəçiliyi – ornitoloji turizm imkanları mövcuddur. Ekoturizmin cəlbedici növlərindən biri olan ornitoloji turizmin ölkəmizdə inkişaf etdirilməsi və təşviqi Azərbaycan Turizm Bürosunun prioritet istiqamətlerindən biri kimi müəyyənləşdirilib.

Tarix
30 Noyabr 2022 [10:35]
Müəllif
Üç nöqtə
2022-11-30 10:35:55
Xəbər xətti
Foto
Video
Çox oxunanlar
Sorğu
İnternetin sürətindən razısınız?
 bəli
 xeyr
 qismən
 bilmirəm
Virtual Qarabağ

Ən son xəbərləri səhifəmizdən də izləyin