Futbol tarixinin ən böyük əfsanələrindən olan portuqaliyalı dünya ulduzu Kriştianu Ronaldu karyerasının son dövründə sürprizlərlə dolu bir mövsüm yaşayır.
Ucnoqta.az xəbər verir ki, ötən həftə "Mançester Yunayted" rəhbərliyini və baş məşqçi Erik Ten Haqı sərt sözlərlə tənqid edən 37 yaşlı ulduzun müqaviləsinə xitam verilib. İngilis nəhəngi Ronaldunun müqaviləsini qarşılıqlı razılaşma əsasında ləğv etdiyini açıqlayıb, Bundan sonra bir çox məşhur klublardan Ronalduya gözlənilməz təkliflər gəlib. Onlardan biri “Əl Nassr”dan gəlib.
Qeyd edək ki, Ronaldunun ötən yay transfer dövründə Səudiyyə Ərəbistanından 2 il müddətinə 242 milyon avroluq təklifi rədd edib. Bildirildiyinə görə,“Əl Nassr”təklifi Ponaldunun rədd etdiyi rəqəmə yaxındır. Ola bilsin ki, bir neçə milyon avro artıqdır.