Yunanıstan Türkiyə ilə davam edən gərginlik fonunda müdafiə qabiliyyətini gücləndirmək məqsədilə ABŞ-dan bir eskadrilya Amerika F-35 qırıcı-bombardmançı təyyarələri almaq istəyir
Ucnoqta.az “Associated Press“ə istinafən xəbər verir ki, bunu NATO-nun Madriddə keçirilən sammiti zamanı Yunanıstanın baş naziri Kiriakos Mitsotakis jurnalistlərə bildirib. O, bildirib ki, Yunanıstan ABŞ-a F-35 döyüş təyyarələri eskadrası almaq üçün məktub göndərib.
Mitsotakis bunun uzun bir prosesin başlanğıcı olduğunu və Afinanın 2027 və ya 2028-ci ildən əvvəl təyyarəni təhvil almayacağını təxmin etdiyini vurğulayıb.
Yunanıstan rəsmiləri bir eskadronun 20 təyyarədən ibarət olacağını bildiriblər.
“Bu prosesin bir hissəsi sorğu məktubu göndərməkdir ki, bu yaxınlarda biz bunu etdik”.