Biləsuvarda traktorun aşması nəticəsində xəsarət alan şəxs ölüb.
Mayın 23-də rayonun Nərimankənd ərazisində Niyaməddin Hümbətovun idarə etdiyi traktor əsas yoldan çıxaraq aşıb. Nəticədə sürücü və onunla birgə traktorda olan 1988-ci il təvəllüdlü Yaşar Yusif oğlu Quliyev müxtəlif dərəcəli bədən xəsarətləri alaraq Biləsuvar Rayon Mərkəzi Xəstəxanasına yerləşdirilib. Y.Quliyev bu gün xəstəxanada keçinib.
Faktla bağlı araşdırma aparılır.///apa