"Dərnəgül-Həzi Aslanov" marşrutu ilə hərəkət edən qatarda "Koroğlu" stansiyasında nasazlıq yaranıb. Köməkçi qatar təyin edilib.
Bunu Ucnoqta.az-a "Bakı Metropoliteni" QSC-nin mətbuat xidmətinin rəhbəri Bəxtiyar Məmmədov deyib.
Metropolitenin texniki-normativ tələblərinə uyğun olaraq, qatardan sərnişinlər düşürülüb. Qatar hazırda xətdən çıxarılır.
Nəticə etibarı ilə xətlərdə intervaldan əlavə 8 dəqiqəlik yubanma var.
Qeyd edək ki, bu gün "Həzi Aslanov-Dərnəgül" marşrutu üzrə hərəkət edən qatarda da nasazlıq olub. Qatar "Gənclik" stansiyasında ikən sərnişin salonunda tüstü effektli spesifik qoxu hiss edilib və sərnişinlər düşürülüb.