Bakıda ölümlə nəticələnən ağır yol qəzası olub.
Daxili İşlər Nazirliyindən Ucnoqta.az-a verilən məlumata görə, hadisə martın 15-də saat 19 radələrində Qaradağ rayonu, Sahil qəsəbəsi ərazisində baş verib.
İran vətəndaşı Pormehrali İsmialinin idarə etdiyi “Howo” markalı yük avtomobili ilə Bakı şəhər sakini E.Əliyevin idarə etdiyi “QAZel” markalı mikroavtobus toqquşub. Nəticədə E.Əliyevin sərnişinləri Babaşah Qəribov, Qayıb Zeynalov və Məhəmməd Qaraşov hadisə yerində ölüb, sürücü xəstəxanaya yerləşdirilib.
Faktla bağlı Baş İstintaq və Təhqiqat İdarəsi tərəfindən araşdırma aparılır.