Avropa İttifaqı Rusiyadan enerji daşıyıcılarının idxalına qadağa qoymayacaq.
“Report” “RİA Novosti”yə istinadən xəbər verir ki, bu barədə Avropa İttifaqının xarici işlər və təhlükəsizlik siyasəti üzrə ali nümayəndəsi Jozep Borrel al-Jazeera telekanalına bildirib.
O, bu bəyanatı Vaşinqtonun Moskvaya qarşı yeni sanksiyalar, o cümlədən enerji resurslarının tədarükünə qadağa qoyulmasını elan etməsindən sonra verib.
“Biz Rusiya enerjisinin idxalını qadağan etməyəcəyik. Biz bu məsələdə Baydenin arxasınca getməyəcəyik”, - Borrel deyib. Avropa diplomatiyasının rəhbəri vurğulayıb ki, Aİ hazırkı tərəfdaşa güvənmir, ona görə də onlar qaz tədarükü üçün alternativ mənbələr axtarır.
O, həmçinin qeyd edib ki, Ukraynanın Aİ-yə qəbul olunması mümkündür, lakin bu, tezliklə baş verməyəcək.