Dünya Bankı Ukraynada iqtisadi vəziyyətin bərpa olunması üçün 489 milyon dollarlıq əlavə paket qəbul edib.
DB-nin mətbuat xidməti paketin 350 milyon dollar kredit və 139 milyon dollar zəmanətdən ibarət olduğunu açıqlayıb.
Bundan başqa, 134 milyon dollar məbləğində qrant maliyyələşdirməsi və 100 milyon dollarlıq paralel maliyyələşdirmə də nəzərdə tutulur. Beləliklə, ümumi dəstək 723 milyon dollar təşkil edir.
Qeyd edilib ki, yardım xəstəxana işçilərinin maaşı, yaşlıların pensiyası və aztəminatlı ailələrin sosial proqramının icrası və s. məsələlərin həllinə imkan verəcək.