Avropada qazın qiyməti həftənin yekunlarına görə min kubmetr üçün 915 ABŞ dollarına düşüb. “Report” Londonun ICE birjasına istinadən xəbər verir ki, həftənin sonunda qazın qiymətində ümumi azalma təxminən 2,5%-dən çox təşkil edib. Avropalı alıcılar bu həftə yeraltı anbarlardan qaz tədarükünü artırmağa və böyük həcmdə qaz almağa üstünlük veriblər. Beləliklə, həftə ərzində Avropaya boru kəməri ilə qaz axını azalıb. Bununla yanaşı, "Qazprom" qazının Almaniyaya birbaşa nəqli dayandırılıb.