Bitkoin həftənin sonunda 51 000 dolları ötüb və iki həftədən çox müddətdə ən yüksək səviyyəyə çatıb.
İnvestorlar hələ müəyyən etməyiblər ki, ABŞ mərkəzi bankının və digər ölkələrin pul siyasətinin sərtləşdirilməsi kriptovalyutaya tələbin azalmasına gətirib çıxaracaq, yoxsa çıxarmayacaq.
Baird şirkətinin analitiki Ross Meyfild söyləyib: “Mən bitkoini yüksək riskli aktiv kimi görürəm, risk iştahı artdıqca bitkoinə tələbat da artır. Risk iştahı azaldıqda isə kriptovalyuta qəfil çökə bilir”.
Eyni zamanda ekspert etiraf edib ki, bu korrelyasiya həmişə aydın olmur. Bildiyiniz kimi, bəzən kriptovalyutalar investorlar tərəfindən qızıl qədər müdafiə aktivi kimi qəbul edilir.
