İngiltərə millisinin keçmiş hücumçusu Hari Lineker PSJ-nin hücumçusu Lionel Messinin “Bayern”in hücumçusu Robert Levandovskiyə aid müraciətinə münasibət bildirib.
“Messi ilə razıyam, haqlıdır. Mükafatı Levandovskiyə təqdim edin. Bu çox sadə və düzgündür”, - deyə H.Lineker bildirib.
Xatırladaq ki, Messi ötən gecə karyerası ərzində yeddinci “Qızıl top”u qazanıb. Messi çıxışında Levandovskinin 2020-ci ildə daha güclü olduğunu, lakin mükafatsız qaldığını bildirərək, təşkilatçıları ədaləti bərpa etməyə çağırıb.
Mənbə: Sports.ru