“Barselona”nın baş məşqçisi Ronald Kuman istefa verib. Apasport.az saytının məlumatına görə, bu, İspaniya La Liqasının XI turunda “Rayo Valyekano” ilə oyundan sonra baş verib. Səfərdə 0:1 hesablı məğlubiyyətin ardından niderlandlı mütəxəssis postundan ayrılıb. Bu vəzifəyə ən real namizəd isə “Əl-Sədd” klubunun çalışdırıcısı Xavi Ernandesdir. Kataloniyalılar sabiq kapitanı ilə danışıqlara başlayıb. Hər şey “Əl-Sədd” rəhbərliyinin qərarından asılıdır. Qeyd edək ki, “Barselona” hazırda La Liqada 15 xalla 9-cu pillədə qərarlaşır.