Aydın Bayramov Mətləb oğlu 1997-ci il 2 avqust tarixində Qəbələ rayonunun Əmirvan kəndində anadan olub.
Ucnoqta.az xəbər verir ki, orta təhsilini Əmirvan kəndi Yadigar Vəliyev adına tam orta məktəbdə alıb. 2015-ci ildə hərbi xidmətə gedib, Qusar rayonundakı hərbi hissədə kəşfiyyatçı kimi xidməti başa vurub
2016-cı ildə Aprel döyüşlərində kəşfiyyatçı kimi iştirak edib.
Aydın Bayramov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsində Murovdağ, Talış kəndi, Ağdərə istiqamətində gedən döyüşlərdə iştirak edib. Aydın Bayramov oktyabrın 9-da Ağdərə rayonu istiqamətində gedən döyüşlər zamanı şəhid olub Qəbələ rayonu Əmirvan kənd qəbiristanlığında dəfn olunub.