Yaponiyanın yeni Baş naziri seçilib.
APA-nın AFP-yə istinadən verdiyi xəbərə görə, parlament Baş nazir postuna hakim Liberal Demokrat Partiyasının (LDP) sədri Fumio Kişidanı seçib.
O, LDP-nin hakim çoxluğa sahib olduğu parlamentin aşağı palatasında 311 səs alaraq asanlıqla qələbə qazanıb. Yuxarı palata da Kişidanı bu posta təsdiqləyib.
Tezliklə onun yeni hökumət kabinetini elan edəcəyi gözlənilir.