Qarabağdakı sülhməramlıların yeni komandiri kimdir? - Gürcüstana hücüma rəhbərlik edib

Azərbaycann Qarabağ bölgəsində müvəqqəti yerləşdirilən Rusiya sülhməramlı qüvvələrinin yeni komandiri Kosobokovu yenidən dəyişdiriblər. Onun yerinə Kosobokovdan daha yüksək hərbi rütbəsi olan, general-leytenant olan və Rusiyanın hərbi dairələrində daha böyük nüfuza malik olan Gennadi Anaşkin təyin olunub. Anaşkin həm də Rusiya qəhrəmanıdır.

Sülhməramlıların keçmiş komandanı Muradov Anaşkini təqdim etmək üçün Qarabağa gəlib.
Qeyd edək ki, Gennadi Anaşkin 1968-ci il dekabrın 17-də Samara şəhərində anadan olub. 1986-cı ildə orta məktəbi bitirib. Məktəbdən sonra Sergey Pavloviç Korolyov adına Aviasiya İnstitutuna daxil olub. 1987-ci ilin iyun ayında sovet ordusuna çağırılıb. Xidməti Almaniyadakı sovet qoşunları qrupunun tərkibində motoatıcı kəşfiyyat taborunda baş tutub.

Rusiya qəhrəmanı Gennadi Anaşkin Birinci və İkinci Çeçen müharibələrində iştirak edib. Bosniya və Herseqovinada sülhməramlı taborun komandiri olub. 2008-ci ildə Gennadi Anaşkinin başçılıq etdiyi alay hava-desant qoşunlarında ən yaxşı alay kimi tanınıb.

2008-ci il avuqustun 9-na keçən gecə Anaşkinin komandanlığı altında olan birləşmə gürcü qoşunlarına qarşı hücuma başlayıb.///ordu.az

Tarix
25 Sentyabr 2021 [19:59]
Müəllif
Üç nöqtə
Digər xəbərlər
2021-09-25 19:59:20
Xəbər xətti
Foto
Video
Çox oxunanlar
Sorğu
İnternetin sürətindən razısınız?
 bəli
 xeyr
 qismən
 bilmirəm
Virtual Qarabağ

Ən son xəbərləri səhifəmizdən də izləyin