Gürcüstanda İŞİD terror təşkilatının 5 üzvü saxlanılıb.
APA-nın yerli bürosunun xəbərinə görə, bu barədə Gürcüstan Dövlət Təhlükəsizlik Xidməti (DTX) məlumat yayıb.
Bildirilib ki, qurumun Antiterror Mərkəzinin əməkdaşlarının Pankisidə həyata keçirdiyi xüsusi əməliyyat nəticəsində İŞİD-in üzvü olan 5 Gürcüstan vətəndaşı saxlanılıb.
Saxlanılan şəxslərin Suriyadakı terror düşərgəsinə səfər etməyi planlaşdırdıqları müəyyən edilib.
Faktla əlaqədar Gürcüstan Cinayət Məcəlləsinin terror təşkilatlarına üzvlük maddəsi ilə cinayət işi başlanıb.