Ana səhifə Mobil versiya
19 Sentyabr 2021

"Siyasi təlxək kimi tanınan Jirinovski ..." - Millət vəkili

Rusiya Liberal Demokrat Partiyasının sədri Vladimir Jirinovski yenə sərsəm çıxışı ilə gündəmə gəlib. Siyasi təlxək kimi tanınan Jirinovski çıxışında Cənubi Qafqazın Rusiyanın uzun müddət nüfuz dairəsində olduğu üçün Rusiyanın iradəsi ilə hər kəsin hesablaşmalı olduğunu bildirib. Eyni zamanda Azərbaycan hakimiyyətini rus əsgərləri ilə təhdid edib.

Artıq neçənci dəfədir ki, sərsəm-faşist ritorikasına üstünlük verən Jirinovski ölkəmizə qarşı bu şəkildə hədyan dolu çıxışlar edir. Amma bu sərsəm ritorikadan başqa heç nə deyil. Aydındır ki, Jirnovskinin sayıqlamaları Rusiyanin rəsmi mövqeyi kimi qəbul edilə bilməz və son illər iki dövlət arasında münasibətlərin, o cümlədən iqtisadi əlaqələrin genişlənməsi müşahidə olunur.

Ancaq bu siyasi təlxək anlamalıdır ki, bu sayıqlamaları Azərbaycanın haqq işinə xələl gətirə bilməz. Azərbaycan müstəqilliyinə təhdid ola biləcək hər addımı dəf etmək gücündədir və güclü xalq-iqtidar birliyi də mövcuddur ki, bu birliyin sayəsində Müzəffər Ali Baş Komandanın rəhbərliyi ilə şanlı Azərbaycan ordusu uzun müddət işğal altında qalan torpaqlarımızı şəhidlərimizin qanı bahasına azad edərək ərazi bütövlüyümüzü bərpa edib.

Ermənilərin havadarları anlamalıdırlar ki, güclü Azərbaycan ordusu bu Zəfəri hər zaman qorumaq iqtidarına malikdir və şanlı ordumuzun qəhrəmanlığı ilə torpaqlarımızı işğaldan azad edən "Dəmir Yumruq" yenə yerindədir, hər an torpaqlarımıza göz dikənləri başına endirilə bilər.

Vüqar Bayramov
millət vəkili

Tarix
1 Avqust 2021 [11:43]
Müəllif
Üç nöqtə
Digər xəbərlər
2021-08-01 11:43:10
Xəbər xətti
Foto
Video
Çox oxunanlar
Sorğu
İnternetin sürətindən razısınız?
 bəli
 xeyr
 qismən
 bilmirəm
Virtual Qarabağ

Ən son xəbərləri səhifəmizdən də izləyin