İngiltərə hökuməti bugündən etibarən koronavirusla əlaqəli bütün daxili məhdudiyyətləri ləğv edib.
Axar.az xəbər verir ki, bu barədə yerli media məlumat yayıb.
Belə ki, gecə klubları da daxil olmaqla, digər müəssisələr də tam şəkildə işləyəcək. Maskadan məcburi istifadə, sosial məsafənin qorunması və məsafədən işləmə qaydaları da ləğv edilib. Fransadan başqa "sarı siyahı"da olan ölkələrdən qayıdan və tam peyvənd olunmuş vətəndaşların ölkəyə girişi zamanı 10 gün karantində qalması da ləğv edilib.
Lakin COVİD-19 xəstəsi ilə sıx kontaktda olan şəxslərin özünü təcrid tələbləri qüvvədə qalıb.
