FTX xüsusi əməliyyat keçirib, 27 gizli silah emalatxanası aşkarlanıb

Rusiya Federal Təhlükəsizlik Xidmətinin (FTX) ölkənin 21 regionunda gizli silah emalatxanalarına qarşı keçirdiyi reyd nəticəsində xeyli sayda silah-sursat aşkarlanıb.

“Report” “RİA Novosti”yə istinadən xəbər verir ki, məlumatı qurumun mətbuat xidməti yayıb.

Əməliyyat Moskva şəhərində və eyni adlı vilayətdə, İnquşetiya və Karaçay-Çərkəz muxtar respublikalarında, Voloqda, Pskov vilayətlərində, Primorsk və Xabarovsk diyarlarında keçirilib. Axtarış nəticəsində 52 artilleriya sursatı, 57 əlqumbarası, 2 minatan mərmisi, 8 minə yaxın güllə, 7,5 kq barıt və trotil, 222 ədəd qundaq (tapança qundağından polemyotadək), artilleriya mərmisi və qumbara aşkarlanıb.

Əməliyyatda Rusiya Daxili İşlər Nazirliyinin və Milli Qvardiyanın əməkdaşları da iştirak edib.

Silahların döyüş xüsusiyyətlərinin bərpası və satışı ilə məşğul olan 55 nəfər barəsində həbs qətimkan tədbiri seçilib, 27 gizli emalatxananın fəaliyyəti dayandırılıb.

FTX ölkədə qanunsuz silah dövriyyəsinə qarşı bundan əvvəlki əməliyyatı bu ilin martında keçirib. Həmin əməliyyat nəticəsində 28 regiondan 250 qundaq götürülmüşdü.

Tarix
19 Aprel 2021 [14:18]
Müəllif
Üç nöqtə
Digər xəbərlər
2021-04-19 14:18:11
Xəbər xətti
Foto
Video
Çox oxunanlar
Sorğu
Tibbi maskalardan istifadə edirsiniz?
 bəli
 xeyr
 yalnız qapalı yerlərdə
 polisi görəndə
Virtual Qarabağ

Ən son xəbərləri səhifəmizdən də izləyin