AVRO-2020: BOS-un meydançaları bağlandı, hakimlərə verilir

Bakı Olimpiya Stadionunun (BOS) futbol meydançaları Avropa çempionatının oyunları ilə əlaqədar bağlanılıb.

Bu barədə arenanın direktoru Cavid Qarayev məlumat verib.

Onun sözlərinə görə, meydançaların ot örtüyündə AVRO-2020 öncəsi renovasiya işləri aparılacaq.

C.Qarayev bildirib ki, əsas meydança Azərbaycan yığmasının martın 30-da Serbiya ilə keçirdiyi dünya çempionatının seçmə oyunundan sonra, ikinci meydança isə bu gündən qapadılıb. Ona görə də "Qarabağ-2" və "Sabah-2" Azərbaycan I Divizionunun oyunlarında rəqiblərini başqa stadionlarda qəbul etməli olacaqlar.

Direktor AVRO-2020 vaxtı oyunları idarə edəcək hakimlərin BOS-un ikinci meydançasından məşq üçün yararlanacaqlarını da diqqətə çatdırıb.

Qeyd edək ki, təqvimə əsasən, BOS A qrupunun İsveçrə - Uels (12 iyun), Türkiyə - Uels (16 iyun) və Türkiyə - İsveçrə (20 iyun) qarşılaşmalarına, eləcə də 1/4 final mərhələsinin 1 oyununa (3 iyul) ev sahibliyi edəcək.

Koronavirus pandemiyasına görə təxirə salınmış AVRO-2020-yə Sankt-Peterburq (Rusiya), London (İngiltərə), Münhen (Almaniya), Roma (İtaliya), Buxarest (Rumıniya), Dublin (İrlandiya), Kopenhagen (Danimarka), Bilbao (İspaniya), Qlazqo (Şotlandiya), Budapeşt (Macarıstan) və Amsterdam (Niderland) şəhərləri də ev sahibliyi etməlidir. Oyunlar bu il iyunun 11-dən iyulun 11-dək keçirilməlidir./report

Tarix
8 Aprel 2021 [17:31]
Müəllif
Üç nöqtə
Digər xəbərlər
2021-04-08 17:31:44
Xəbər xətti
Foto
Video
Çox oxunanlar
Sorğu
Tibbi maskalardan istifadə edirsiniz?
 bəli
 xeyr
 yalnız qapalı yerlərdə
 polisi görəndə
KİV
Virtual Qarabağ

Ən son xəbərləri səhifəmizdən də izləyin