ABŞ Milli Kəşfiyyatının direktoru Tulsi Gabbard ABŞ-a qayıtmazdan əvvəl Fransada dayanaraq Hindistan, Tayland və Yaponiyaya aparacaq Hind-Sakit Okean turuna başlayıb.
Ucnoqta.az xəbər verir ki, Qabbard X-də yazıb.
“Mən özüm Sakit okean regionunda böyüdüyüm üçün çox yaxşı tanıdığım Hind-Sakit Okean regionunun bir çox ölkəsinə səfərə gedirəm. Mən Yaponiya, Tayland və Hindistana səfər edəcəyəm və Vaşinqtona qayıdarkən Fransada qısa bir dayanacağam. Güclü münasibətlərin qurulması, qarşılıqlı anlaşma və açıq kommunikasiya xətləri Prezident Trampın sülh, azadlıq və firavanlıq məqsədlərinə nail olmaq üçün həyati əhəmiyyət kəsb edir”, – o, qeyd edib.
Turun ilk dayanacağı Havay adalarının Honolulu şəhəri olacaq və burada kəşfiyyat icmasının rəsmiləri və ABŞ Hind-Sakit Okean Komandanlığının rəhbərliyi ilə görüşəcək.
Milli Kəşfiyyat Direktoru bütün 18 Amerika kəşfiyyat təşkilatının koordinatorudur.