Alimlər bitki və heyvan yağlarının ürək və damar sağlamlığına necə təsir etdiyini öyrənmək üçün araşdırma aparıblar.
Beləliklə, əgər heyvan yağları 60 yaşdan yuxarı insanlar üçün zərərli hesab olunurdusa, bitki mənşəli yağlar, əksinə, faydalı keyfiyyətlərini göstərib.
Ucnoqta.az xəbər verir ki, Çin, Finlandiya və İsveç tədqiqatçılarının daxil olduğu beynəlxalq alimlər qrupu ürək və damar xəstəliklərinin heyvan və bitki mənşəli yağlarla əlaqəsini öyrənmək üçün tədqiqat aparıb.
Artıq dörddə bir əsrdir ki, elm adamları insanları müşahidə edir və onların qida rasionunu öyrənirlər.
Nəticədə 400 mindən çox insanın məlumatlarının təhlili göstərdi ki, bitki mənşəli yağların, xüsusilə də taxıl və tərəvəzlərdən alınan yağların istehlakı ürək-damar xəstəliklərindən ölüm ehtimalını azaldır.
Beləliklə, JAMA Internal Medicine-də dərc olunan materiala görə, bitki yağlarının müntəzəm istifadəsi ilə risk 15% azalır.
Heyvan yağlarına gəlincə, təcrübənin nəticələrinə görə, onlar 60 yaşdan yuxarı insanlar üçün təhlükəlidir. Məsələn, yumurtadan olan yağlar ürək və qan damarlarının patologiyalarından ölüm riskini 40% artırır.
Süd yağları və qırmızı ətdən olan yağlar da zərərlidir.
Alimlər əmin edirlər ki, heyvan mənşəli məhsulları bitki mənşəli yağlarla əvəz etsəniz, müsbət effekt əldə edə bilərsiniz.