Valensiya və Braziliya millisinin keçmiş oyunçusu qaçırıldıqdan sonra sərbəst buraxılıb
Ucnoqta.az xarici mətbuata istinadən xəbər verir ki, Braziliya millisinin və İspaniyanın "Valensiya" klubunun keçmiş futbolçusu Marselinyo Karioko musiqi konsertində qaçırıldıqdan sonra mülki polis tərəfindən sərbəst buraxılıb.
Futbolçu dekabrın 17-də yoxa çıxıb. Mətbuat onun konserti bir qadınla tərk etdiyini iddia edib. Daha sonra onun avtomobili hadisə yerindən 25 km aralıda tapılıb. Bundan sonra hücum edənlər cinayətkarın ailəsi ilə əlaqə saxlayıblar. Onlar futbolçunun sərbəst buraxılması üçün 18 min dollar tələb ediblər.
Bazar ertəsi səhər iki kişi bu işlə əlaqədə şübhəli bilinərək həbs edilib. Sosial şəbəkələrdə yayımlanan videomüraciətində Karioka konsertdə münasibət qurduğu qadının ərinin adam oğurluğunda əli olduğunu bildirib.