6
AFFA İntizam Komitəsi Bizon Azərbaycan Kubokunun yarımfinal mərhələsində keçirilən "Turan Tovuz" – "Zirə" oyunu ilə bağlı cəzaları açıqlayıb.
Ucnoqta.az xəbər verir ki, "Turan Tovuz"un azarkeşləri tərəfindən hakimlərin ünvanına kütləvi şəkildə təhqiramiz ifadələr səsləndirildiyinə görə, klub 5000 manat cərimələnib.
Görüş bitdikdən sonra "Turan Tovuz"un İdarə Heyətinin sədri Ehtiram Quliyev AFFA-nın, onun orqanlarının və ya üzv təşkilatlarının nüfuzunu və etibarlılığını qəsdən alçaldan, şübhə altına qoyan açıqlamalar verdiyinə görə, Tovuz təmsilçisi daha 15000 manat cəriməyə məruz qalıb.