Cənubi Koreya hakimiyyəti 14 yaşdan kiçik uşaqların sosial mediadan istifadəsini qadağan etməyi düşünür.
Ucnoqta.az xəbər verir ki, bu barədə Cənubi Koreya Rabitə və Kütləvi Media Komissiyasının sədri Kim Çen Çul bildirib.
Yonhap Xəbər Agentliyi komissiya sədrinin sözlərinə istinadən bildirib ki, 14 yaşdan kiçik uşaqların sosial media hesabları yaratmasını məhdudlaşdırmaq, eləcə də 14-19 yaş arası yeniyetmələr tərəfindən bu cür platformalardan həddindən artıq istifadəni təşviq edən alqoritmlərin təsirini məhdudlaşdırmaq planını nəzərdən keçiririk.
Kim Çen Çul qeyd edib ki, yetkinlik yaşına çatmayanlar tərəfindən sosial mediadan istifadə ilə bağlı parlamentdə təxminən yeddi qanun layihəsi təklif olunub.
Lakin rəsmi əlavə edib ki, gecə vaxtı yeniyetmələr üçün onlayn oyunların qadağan edilməsi təcrübəsinə istinad edərək məsələyə ehtiyatla yanaşmaq lazımdır. 2011-ci ildə Koreya Respublikası 16 yaşdan kiçik şəxslərin gecə yarısı ilə səhər 6 arasında onlayn oyun oynamasını qadağan edən qanun qəbul edib. Yonhap qeyd etdi ki, qanun 2022-ci ilin yanvar ayında oyun sənayesinə mənfi təsir göstərdiyi və insanların “əsas hüquqlarını pozduğu” üçün ləğv edildi.