Hacıqabul və Şəmkir sakinlərindən odlu silah götürülüb.
Daxili İşlər Nazirliyinin mətbuat xidmətindən verilən məlumata görə, Hacıqabul Rayon Polis Şöbəsinin əməkdaşlarının əldə edilmiş məlumat əsasında keçirdikləri əməliyyat-axtarış tədbirləri nəticəsində şəhər sakini X.İmanovdan lüləsi kəsilmiş ov tüfəngi və 2 ədəd patron aşkar edilərək götürülüb.
Şəmkir Rayon Polis Şöbəsinin əməkdaşlarının əldə edilmiş məlumat əsasında keçirdikləri əməliyyat-axtarış tədbirləri nəticəsində şəhər sakini A.Hüseynovun evindən müvafiq sənədləri olmayan “İJ-16” markalı ov tüfəngi aşkar edilib.
Araşdırma aparılır.