Xaçmaz rayonunda qanvermə aksiyası keçirilib -Foto

19:31 - 11 İyun 2020 - Leykoz

Xaçmaz Rayon İcra Hakimiyyətinin və Mərkəzi Qan Bankının Quba bölməsinin təşkilatçılığı ilə iyunun 11–də Heydər Əliyev adına Xaçmaz rayon Mədəniyyət Mərkəzində talassemiyadan və hemofiliyadan əziyyət çəkən xəstələr üçün qanvermə aksiyası keçirilib.

Aksiyanın məqsədi Azərbaycan Respublikasının Birinci vitse-prezidenti Mehriban xanım Əliyevanın xeyirxah çağırışına qoşularaq Koronavirus (COVID-19) pandemiyası ilə əlaqədar karantin rejimində qan ehtiyatı azalan talassemiya, hemofiliya və leykoz xəstəliyindən əziyyət çəkən uşaqlara dəstək olmaq və onlar üçün tədarük olunan qan ehtiyatını artırmaq olub.

Qanvermə aksiyasında Xaçmaz Rayon İcra Hakimiyyətinin başçısı Elnur Rzayev, hüquq-mühafizə orqanlarının rəhbərləri, müxtəlif idarə, müəssisə, təşkilatlarının əməkdaşları, İƏD nümayəndələri, bələdiyyələr və ictimaiyyət nümayəndələri iştirak edib.


Xəbər xətti