Ağdaş rayonunda yol-nəqliyyat hadisəsi baş verib.
APA-nın xəbərinə görə, hadisə bu gün Bakı-Şamaxı-Yevlax yolunun Ağdaş şəhəri ərazisindən keçən hissəsində qeydə alınıb. Qəbələ sakini, 1990-cı il təvəllüdlü Xıdırov Etibar Şahin oğlu "Mercedes" markalı minik avtomobili ilə hərəkətdə olarkən idarəetməni itirib, avtomobil yoldan çıxaraq ağaca çırpılıb.
Hadisə zamanı sürücü Etibar Xıdırov, eləcə də sərnişinlər - Ağdaş sakini, 1983-cü il təvəllüdlü Lətifova Gülnar Həsən qızı və Göyçay sakini, 1999-cu il təvəllüdlü Rəsul Əsir Təbrizi müxtəlif dərəcəli bədən xəsarətləri alıb.
Yaralılardan biri Ağdaş, ikisi Mingəçevir xəstəxanasına aparılıb.
Faktla bağlı Baş Dövlət Yol Polisi İdarəsinin istintaq və təhqiqat şöbəsi tərəfindən araşdırma aparılır.