Sabah AMEA-da tibbi aksiya keçiriləcək

Akademik Zərifə Əliyeva adına Milli Oftalmologiya Mərkəzinin Avtomobil Səyyar Klinikası sabah Azərbaycan Milli Elmlər Akademiyasında (AMEA) tibbi aksiya keçirəcək.

Mərkəzdən verilən məlumata görə, aksiyada Səyyar Klinikanın həkim heyəti AMEA-nın əməkdaşlarına tibbi xidmət göstərəcək. Humanitar aksiyanın məqsədi pasiyentləri müayinə və müalicə etmək və onlar arasında refraksiya anomaliyalarını vaxtında aşkarlamaq, eyni zamanda göz xəstəlikləri ilə bağlı monitorinqlər aparmaq, əldə edilən nəticələri müzakirə etmək və aradan qaldırmaqdır.

Qeyd edək ki, Milli Oftalmologiya Mərkəzinin Səyyar Klinikasının Azərbaycanın rayon və şəhərlərində həyata keçirdiyi tibbi aksiyalar mütəmadi xarakter daşıyır və bu, Prezident İlham Əliyevin səhiyyə ilə bağlı reallaşdırdığı layihələrin tərkib hissəsi hesab olunur.

Səyyar klinika 2005-ci ildən paytaxtda və respublikanın bir çox rayon və şəhərlərində aksiyalar keçirir.

Bununla yanaşı, 2018-ci ildən Milli Oftalmologiya Mərkəzinin Səyyar Qatarı fəaliyyətə başlayıb.

Hazırda AMEA-da 10 minə yaxın əməkdaş, o cümlədən 4939 nəfər elmi işçi, 664 elmlər doktoru, 2026 nəfər fəlsəfə doktoru çalışır. Akademiyanın 73 həqiqi üzvü və 114 müxbir üzvü var./trend

Tarix
28 Yanvar 2020 [12:32]
Müəllif
Üç nöqtə
Digər xəbərlər
2020-01-28 12:32:18
Xəbər xətti
Foto
Video
Çox oxunanlar
Sorğu
Qışa hazırsınız?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin