Müəllimlərimizə sevgilərlə...

Mütəmadi olaraq təşkil etdiyi sosial-mədəni aksiyalarla diqqəti cəlb edən A. Şaiq adına Azərbaycan Dövlət Kukla Teatrı nəzdindəki “Oyuq” teatr-studiyası yeni mövsümün ilk tamaşasını da maraqlı ideyaya həsr edib.

Bildiyiniz kimi, 5 oktyabr UNESCO tərəfindən Beynəlxalq Müəllimlər günü kimi qeyd olunur. Teatrın mətbuat xidmətindən Ucnoqta.az-a verilən məlumata görə, elə yaradıcı heyət də açılış tamaşasını bu şərəfli peşə sahiblərinə ithaf edib. “Əziz müəllimlərimizə ehtiramla...” şüarlı nümayiş oktyabrın 3-də (saat 17.00) reallaşacaq. Müəllimlərlə şagirdlər teatrın tamaşa salonunda bir araya gələrək “Qırmızıpapaq” tamaşasını izləyəcəklər.

Studiyanın son premyeralarından olan tamaşa fransız şair-tənqidçisi Şarl Perronun məşhur “Qırmızıpapaq” nağılı əsasında səhnələşdirilib. Teatrın baş rejissoru Qurban Məsimov və studiyanın rəhbəri Səidə Haqverdiyevanın səhnələşdirdiyi tamaşanın quruluşçu rejissoru Günay Səttar, quruluşçu rəssamı İqbal Əliyev, bəstəkarı Vüqar Camalzadədir.

Səhnə nümunəsində rolları istedadlı “Oyuq”çular Selcan Müseyibova, Arif Əliyev, Murad Əlizadə, Həcər Abdullayeva, Aysu və Uğur Cəbrayılovlar, Nazan Qafarova, Mehriban Hüseynli, İnci Mustafalı, Atilla İbrahimli, İsmayıl Əliyev, Nuray və Aysu Abdullayevalar ifa edirlər. 

Tarix
25 Sentyabr 2019 [14:13]
Müəllif
Üç nöqtə
Digər xəbərlər
2019-09-25 14:13:28
Xəbər xətti
Foto
Video
Çox oxunanlar
Sorğu
Yayda istirahətə harada üstünlük verirsiz?
 Azərbaycanda
 Xarici ölkədə
 İstirahət etmirəm
KİV
Virtual Qarabağ

Ən son xəbərləri səhifəmizdən də izləyin