Dayısı oğlunun evinə basqın etdi: arvadını hədələyib evi soydu

Bakının Nəsimi rayonunda qrup şəklində törədilmiş quldur basqını nəticəsində bir nəfər xəsarət alıb. Bu barədə Oxu.Az-a Nəsimi Rayon Polis Bölməsindən məlumat veriblər. Üç kişi Mərdanov qardaşları küçəsində yaşayan 1991-ci il təvəllüdlü Mustafayev Tərlan Ağa oğlunun evinə girərək ondan pul tələb ediblər. T.Mustafayev cinayətkarların tələbini yerinə yetirməkdən imtina edib. Bu zaman onlardan biri T.Mustafayevin başına yumruq zərbəsi endirib. Ardından cinayətkarlar ev sahibinin həyat yoldaşı olan 1993-cü il təvəllüdlü Xuraman Məmmədovanı bıçaqla öldürməklə hədələyiblər. Onlar bu yolla evdən iki mobil telefon, yeddi min manat, bank kartı və sürücülük vəsiqəsi götürüblər. Şikayətçilər bildiriblər ki, cinayətkarlar üzlərini kovboy tərzinə bənzər burun yaylığı ilə gizlədiblər. Aldığı zərbələrdən T.Mustafayev yardım üçün Kliniki Tibbi Mərkəzə müraciət etməli olub.  20-ci Polis Bölməsinin əməkdaşları aparılmış operatov-axtarış tədbirləri zamanı şübhəlilərdən birini saxlayıblar. Bu, xəsarət alanın dayısı oğlu 1998-ci il təvəllüdlü Tağıyev Sahib Teymur oğludur. S.Tağıyevin əlbir olduğu cinayətkarların axtarışı isə davam edir. Quldurluq faktı ilə bağlı cinayət işi qaldırılıb.
Tarix
13 Avqust 2019 [16:31]
Müəllif
Üç nöqtə
Digər xəbərlər
2019-08-13 16:31:10
Xəbər xətti
Foto
Video
Çox oxunanlar
Sorğu
Yayda istirahətə harada üstünlük verirsiz?
 Azərbaycanda
 Xarici ölkədə
 İstirahət etmirəm
KİV
Virtual Qarabağ

Ən son xəbərləri səhifəmizdən də izləyin