"Qarabağ" günü iki məşqlə başa vurdu
Türkiyənin Antalya şəhərində mövsümün ikinci yarısının hazırlıqlarını davam etdirən "Qarabağ" 1 günlük istirahətin ardından məşqləri bərpa edib. Ucnoqta.az xəbər verir ki, komanda günü iki məşqlə tamamlayıb. Günün ilk məşqi yerli vaxtla 11:00-da başlayıb. Futbolçular isinmə hərəkətlərinin ardından "kvadrat" oynayıb və fiziki çalışamalara üstünlük verib.
Günün ikinci məşqi yerli vaxtla 17:30-da başlayıb və təxminən 90 dəqiqə davam edib. Güclü yağış altında davam edən məşqdə futbolçularımız toplu hərəkətləri yerinə yetirib və məşqə ikitərəfli oyunla yekun vurub.
