Ana səhifə
25 Sentyabr 2018

Bu gün Çempionlar Liqasında 1/4 final mərhələsinə yekun vurulacaq

Bu gün futbol üzrə Çempionlar Liqasında 1/4 final mərhələsinə yekun vurulacaq. Ucnoqta.az "Report"a istinadən xəbər verir ki, son oyun günündə biri İspaniya, digəri isə Almaniyada olmaqla iki oyun baş tutacaq. İspaniyanın "Real Madrid” klubu doğma azarkeşlər önündə İtaliya "Yuventus”u ilə üz-üzə gələcək. Madrid təmsilçisi İtaliyadakı matçda 3:0 hesabı ilə qələbə qazanıb. Turin klubu bu görüşdə möcüzəni reallaşdırmağa çalışacaq. Meydan sahibləri bu qarşılaşmaya ciddi itki ilə çıxacaq. Komandanın əsas müdafiəçisi Serxio Ramos cəzalı olduğuna görə bu oyunda iştirak etməyəcək. Madrid klubunun digər müdafiəçisi Naço isə zədə səbəbindən görüşü buraxacaq. Lukas Vaskesin isə iştirakı sual altındadır. Qonaqlarda isə Paulo Dibala və Rodriqo Bentankur cəzalı, Andrea Barzaqli isə zədə səbəbindən bu matçda komandasına kömək edə bilməyəcək. Günün digər oyununda Almaniyanın "Bavariya” klubu İspaniyanın "Sevilya” komandasını qəbul edəcək. İlk görüşdə səfərdə rəqibini 2:1 hesabı ilə məğlub edən Almaniya təmsilçisi cavab qarşılaşmasına itkilərlə çıxacaq. Manuel Noyer, David Alaba, Arturo Vidal və Kinqsli Koman zədə səbəbindən bu matçda iştirak etməyəcək. Qonaqların heyətində isə Simon Kyer bu oyunu buraxacaq. Qabriel Merkado, Xoakin Korrea və Sebastyan Korşyanın bu matçda iştirakı bəlli deyil.
Tarix
11 Aprel 2018 [08:39]
Müəllif
Üç nöqtə
Digər xəbərlər
Xəbər xətti
Foto
Video
Çox oxunanlar
Sorğu
Kommunal qurumların işi sizi qane edirmi?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin