Ana səhifə
18 İyun 2018

MSK İlham Əliyevin prezidentliyə namizədliyini qeydə alıb

 Mərkəzi Seçki Komissiyasının (MSK) bu gün keçirilən iclasında Yeni Azərbaycan Partiyası (YAP) tərəfindən prezidentliyə namizədliyi irəli sürülən İlham Heydər oğlu Əliyevin namizədliyinin qeydə alınması məsələsinə baxılıb.

"Ucnoqta.az" “Report”a istinadən bildirir ki, məsələ barədə MSK sədri Məzahir Pənahov məlumat verib.

MSK sədri bildirib ki, İlham Əliyevin səlahiyyətli nümayəndələrinə 45 min imza vərəqi verilib: “Onlar seçici imzalarını Mərkəzi Seçki Seçki Komissiyasına fevralın 22-də təqdim ediblər. İmzalar MSK-dakı İşçi Qrup tərəfindən yoxlanılıb”.

MSK üzvü, İşçi Qrupunun rəhbəri Etibar Quliyev deyib ki, seçici sənədləri kifayət qədər yüksək səviyyədə hazırlanıb: “Bu da təcrübədən xəbər verir. Burada heç bir pozuntu olmayıb. Namizədin müadifəsi üçün 125 seçki dairəsi üzrə seçici imzası toplanılıb. MSK-da 42 min imza yoxlanılıb, bu da namizədin qeydə alınmasına əsas verir. Ona görə də imzaların yoxlanılması dayandırılıb. Etibarsız seçici imzalarının sayı sıfırdır”.

Məsələ səsverməyə çıxarılıb. Səsvermə ilə İlham Əliyevin prezidentliyə namizədliyi qeydə alınıb.

Xatırladaq ki, Yeni Azərbaycan Partiyasının 2018-ci il fevralın 8-də VI Qurultayı keçirilib. Qurultayda 2018-ci il aprelin 11-də keçiriləcək prezident seçkilərində Yeni Azərbaycan Partiyasının sədri, Azərbaycan Prezidenti İlham Əliyevin prezidentliyə namizədliyinin irəli sürülməsi barədə qərar qəbul edilib. Fevralın 14-də Mərkəzi Seçki Komissiyasının iclasında 2018-ci il aprelin 11-nə təyin edilən Azərbaycan Respublikası prezidentinin seçkilərində namizədliyi YAP tərəfindən irəli sürülən İlham Əliyevin namizədliyinin irəli sürülməsi təsdiq edilib.

Tarix
27 Fevral 2018 [16:35]
Müəllif
Üç nöqtə
Digər xəbərlər
Foto
Video
Çox oxunanlar
Sorğu
Kommunal qurumların işi sizi qane edirmi?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin