Ana səhifə
19 İyun 2018

Azərbaycan EkoAvrasya Forumunda iştirak edəcək

Fevralın 22-də Ankara Qatar Qarı -  Ankara Hoteldə "Regional Əməkdaşlığın Müvəffəqiyyət Örnəyi: Bakı-Tbilisi-Qars dəmir yolu '' adlı forum həyata keçiriləcək. Türkiyə  Cümhuriyyəti nəqliyyat, dənizçilik və rabitə naziri Əhməd Aslanın iştirakı ilə gerçəkləşmiş olacaq forum Avrasiya İqtisadi Əlaqələr Dərnəyi (EkoAvrasya) və Azərbaycan Respublikası Ankara səfirliyi ilə birgə təşkil edilir.

"Ucnoqta.az" Modern.az-a istinadən xəbər verir ki, ikitərəfli danışıq halında həyata keçiriləcək olan Bakı-Tbilisi-Qars Dəmiryolunun bölgə ölkələrinə iqtisadi, ictimai və mədəni qatqılarının izah ediləcəyi forumda Azərbaycan, Gürcüstan və Çin Xalq Respublikası Ankara səfirləri ilə birlikdə millət vəkilləri, alimlər eyni zamanda, Nəqliyyat, Dənizçilik və Rabitə Nazirliyinin səlahiyyətli nümayəndələri də  iştirak edecek.

''Dəmir İpək Yolu'' olaraq adlandırılan ''Bakı-Tbilisi-Qars'' dəmiryolunun açılışı Türkiyə Cümhuriyyəti  prezidenti Rəcəb Tayyib Ərdoğan, Azərbaycan Respublikası prezidenti  İlham Əliyev, Gürcüstan baş naziri  Giorgi Kvirikaşvili, Qazaxıstan baş naziri  Bakıtcan Saqintayev  və Özbəkistan baş naziri  Abdulla Aripovun iştirakı ilə Azərbaycan Respublikasının paytaxtı Bakı şəhərində 30 oktyabr 2017-ci il tarixində beynəlxalq bir mərasimlə reallaşdırılmışdı.

Enerji  sahəsində ''Bakı-Tbilisi-Ceyhan" və ''Bakı-Tiflis-Ərzurum'' layihələrindən sonra Türkiyə, Azərbaycan və Gürcüstan arasında reallaşdırılmış  üçüncü böyük layihə  olan ''Bakı-Tbilisi-Qars'' dəmir yolu layihəsi regional əməkdaşlığın ən əhəmiyyətli göstəricilərindən biri olaraq hal-hazırda diqqət mərkəzindədir.

Qeyd edək ki, Asiya, Avropa və Afrikanı bir-birinə bağlayan bu layihə, bir çox sahədə iqtisadi inkişafla birlikdə,  Türkiyə və Türk respublikaları nəqliyyat şəbəkələrini bir-birinə bağlayan yeni və təsirli bir güc mənbəyi olmaqla bərabər,  bölgənin ticari, siyasi və mədəni əlaqələrinin daha da gücləndirilməsində, həmçinin regionda Çin sərmayələrinin bölgəyə yatırılmasında əhəmiyyətli rol oynayacaq.

Tarix
19 Fevral 2018 [18:50]
Müəllif
Üç nöqtə
Digər xəbərlər
Xəbər xətti
Foto
Video
Çox oxunanlar
Sorğu
Kommunal qurumların işi sizi qane edirmi?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin