"Azərbaycanın 2 maddi və 11 qeyri-maddi mədəni irs nümunələri YUNESKO-nun müvafiq siyahılarına daxil edilib".
"Ucnoqta.az" Report-a istinadən xəbər verir ki, bunu "İctimai" radioya müsahibəsində Xarici İşlər Nazirliyinin xüsusi tapşırıqlar üzrə səfiri-YUNESKO üzrə Azərbaycan Milli Komissiyasının baş katibi Elnur Sultanov bildirib.
O, rəsmi Bakının YUNESKO ilə əməkdaşlığının tarixi, son 25 il ərzində Milli Komissiyanın ölkənin aidiyyəti dövlət qurumları, YUNESKO və üzv dövlətlər ilə birgə əməkdaşlıq çərçivəsində gördüyü işlərə toxunub.
E.Sultanov vurğulayıb ki, Azərbaycan ilə YUNESKO arasında mövcud olan sıx əlaqələrin inkişafında Azərbaycanın Birinci vitse-prezidenti, Heydər Əliyev Fondunun prezidenti Mehriban Əliyevanın müstəsna xidmətləri var. Baş katib deyib ki, Mehriban Əliyevanın səyləri nəticəsində Azərbaycanın 2 maddi və 11 qeyri-maddi mədəni irs nümunələrinin YUNESKO-nun müvafiq siyahılarında yer alıb.