Ana səhifə
19 Fevral 2018

Müdafiə nazirinin müavinindən Deputata Sərt Xəbərdarlıq

Müdafiə Nazirliyinin şəxsi heyət üzrə müavini, general-leytenant  Kərim Vəliyev Milli Məclisdə “Silahlı Qüvvələr haqqında” yeni qanun layihəsinin  müzakirəsində deputatlar tərəfindən səsləndirilən fikirlərə münasibət bildirib.
 

Ucnoqta.az “Qafqazinfo”ya istinadən xəbər verir ki, K. Vəliyev qeyd edib ki, ötən dəfə müzakirələr zamanı deputat Qüdrət Həsənquliyev Tərtərdə hərbi hissələrin birində baş verən özbaşınalıqdan məlumat verib: “Bu məsələ dərhal bütün mediada yayılmağa başladı. Mən məlumat əldə edən kimi Qüdrət müəllimlə telefon vasitəsilə əlaqə saxladım. Onun özü də bu məlumatın getməsinə təəcübləndi. Bildirdi ki, media onun nə vaxtsa səsləndirdiyi fikirləri işıqlandırıb. Ordu haqqında nəsə deyəndə diqqətli olmalıyıq. Bu həssas məsələdir. Biz müharibə şəraitindəyik. Hər neqativ hala düşmən təbliğatında bizə qarşı işlənilir.
 

 Biz də ictimai nəzarət də var. Bir sıra şəxslər, deputatlar  gəlib ordudakı şəraitlə  tanış olurlar. Kim müraciət edirsə onu qəbul etməyə hazırıq. 50- dən çox akkreditə olunmuş jurnalist var. Lazım olanda onlar ön cəbhədə çəkiliş edirlər. 
Ombudsman aparatı, Baş Prokurorluq da Silahlı Qüvvələrə nəzarət edir. 
 

Burada müddətdən artıq hərbui xidmət keçmiş şəxslərə nəzarət etmək barədə danışıldı.  Həmin şəxslər  hərbi hissəyə qəbul olunurlar. Bizdə bu sistemli şəkildə həyata keçirilir. Onlar tam şəkildə müvafiq qurumların yoxlamalarından keçirlər. Bu gün müddətdən artıq hərbi xidmət keçən qulluqçular orduda 70 faiz təşkil edir. Əksəriyyəti professional insanlardır. Düzdür, ən bahalı texnikaya onları təchiz edirik. Bu gün də bu məsələ ilə bağlı ciddi şəkildə işlər aparılır”.

Spiker Oqtay Əsədov  bildirib ki, Milli Məclis Azərbaycan orduusundakı hər bir məsələyə görə cavabdeh daşıyır:

“Düzdür, Milli Məclisdə  çıxışlar var. İndi Qüdrət müəllimin çıxışını araşdırarıq. Bəzən jurnalistlər  məsələni kontekstdən çıxarıb yayırlar. Belə şeyləri ürəyinə yaxın qəbul etməyin”.

Tarix
15 Dekabr 2017 [13:31]
Müəllif
Üç nöqtə
Digər xəbərlər
Foto
Video
Çox oxunanlar
Sorğu
Kommunal qurumların işi sizi qane edirmi?
 bəli
 xeyr
KİV
Virtual Qarabağ