“Miss Turkey 2017” yarışmasının bu il Türkiyəni Polşa, Amerika və Çində təmsil edəcək gözəllərinin adları bəlli olub. Axşam.az Türkiyə mediasına istinadən xəbər verir ki, müsabiqəni 1999-cu il təvəllüdlü Itır Esen qazanıb. Bu ilin “Türkiyə gözəli” seçilən Itır ölkəsini Çində gerçəkləşəcək “'Miss World” yarışmasında təmsil edəcək.
Müsabiqədə ikinci yerə çıxan Aslı Sümen (23 yaş) Amerikada, üçüncü olan Pınar Tartan (20 yaş) isə Polşada gözəllik yarışmasına qatılacaq.
