Ana səhifə
24 İyun 2017

Binəli Yıldırım: “Bakı nə qədər təhlükəsizdirsə, İzmir də o qədər təhlükəsizdir”

“Bakı nə qədər təhlükəsizdirsə, İzmir də o qədər təhlükəsizdir”. APA-nın məlumatına görə, bu sözləri Dünya Turizm Forumunun İstanbulda keçirilən III beynəlxalq toplantısının açılışındakı çıxışında Türkiyənin baş naziri Binəli Yıldırım deyib. O bildirib ki, indi dünyada tam təhlükəsiz ölkə yoxdur: “Terror hər yerdə var - Orta  Şərqdə də, Avropada da, ABŞ-da, Uzaq Şərqdə də. Biz terrordan qorxmamalıyıq, terrordan qorxsaq, onu törədənlərin çörəyinə yağ yaxarıq. Bu gün ABŞ və Avropa nə qədər təhlükəsizdirsə, Türkiyə də o qədər təhlükəsizdir, Paris nə qədər təhlükəsizdirsə, İstanbul da o qədər təhlükəsizdir, Bakı nə qədər təhlükəsizdirsə, İzmir də o qədər təhlükəsizdir”.
Baş nazir son 15 ildə Türkiyədə turizm və nəqliyyat sektorlarının inkişafı və ölkədə həyata keçirilən infrastruktur layihələri barədə geniş məlumat verib. İldə 160 milyon sərnişini qəbul edib, yola salacaq yeni İstanbul aeroportunun ilk bölümünün 2018-ci ilin fevralında açılacağını nəzərə çatdıran B. Yıldırım, turizmin inkişaf etdirilməsi üçün tarixi mirasların bərpasının önəmini qeyd edib. O, hökumətin turizmə, nəqliyyata və infrastruktur layihələrinə dəstəyinin davam edəcəyini vurğulayıb.
Qeyd edək ki, iştirakçılar arasında Azərbaycanın mədəniyyət  və turizm naziri Əbülfəz Qarayev, Benin, Zimbabve, Qana, Somali, Türkmənistan, Qırğızıstan, Kamboca, Türkmənistan, Özbəkistan, Rusiya və digər ölkələrin turizm və mədəniyyət sahəsindəki dövlət idarəçiləri var. Toplantı 2 gün davam edəcək.

Tarix
16 Fevral 2017 [14:01]
Müəllif
Üç nöqtə
Digər xəbərlər
Xəbər xətti
Foto
Video
Çox oxunanlar
Sorğu
İşğal altında olan torpaqların hansı yolla qaytarılmasına tərəfdarsan?
 müharibə
 sülh
 bilmirəm
KİV
Virtual Qarabağ