Yanvarın 20-də ABŞ prezidenti səlahiyyətlərinin icrasına başlamış Donald Tramp nauqurasiya şərəfinə keçirilmiş bal mərasimində xanımı Melani ilə ilk dəfə rəqs edib.
"Report" xəbər verir ki, mərasimi "Fox News" və digər telekanallar yayımlayıb.
Tramp əvvəlcə mərasimə toplaşmış çoxminli auditoriyadan qarşısında qısa nitqlə çıxış edib. "Biz bunu etdik!" – deyən dövlət başçısı növbəti dəfə Amerikanı yenidən böyük etməyə söz verib.
Tramp bundan sonra ölkənin birinci xanımına müraciət edərək bildirib ki, əgər rəqs etsə, ona şərəf göstərəcək. Cütlük bundan sonra rəqs etməyə başlayıb.