“Bakcell”in “BakuTel 2016” stendində texnologiya, əyləncə və idman bir arada

Azərbaycanın İlk Mobil Operatoru və Aparıcı Mobil İnternet Provayderi Bakcell şirkəti 29 noyabr- 2 dekabr tarixlərində keçiriləcək “BakuTel 2016” sərgisinin iştirakçısıdır. Hər il olduğu kimi bu il də şirkət öz stendində sərgini ziyarət edənləri böyük məmnuniyyətlə qarşılayır və özünün ən son texnologiyalara əsaslanan xidmət və məhsullarını nümayiş etdirir.

Bu ilki sərgidə “Bakcell”in stendində aşağıdakılar guşələr təşkil edilib:

* Ulduzum – Bu hissədə qonaqlar Ulduzum sadiqlik proqramı barədə ətraflı məlumat əldə etməklə yanaşı interaktiv oyunda iştirak edəcəklər. Yüksək nəticələr əldə edən iştirakçılara Ulduzum proqramının tərəfdaşlarından müxtəlif hədiyyələr təqdim olunacaq.

* Bakcell Bussiness – Burada sərgi iştirakçılarına Bakcell şirkətinin Biznes tarifləri barədə ətraflı məlumat təqdim ediləcək.

* Nomrem.bakcell.com - Qonaqlar xüsusi yaradılmış internet səhifəsi vasitəsilə almaq istədikləri nömrənin boş olub-olmadığını özləri yoxlaya biləcək və seçdikləri nömrəni sifariş vermək imkanına malik olacaqlar.

* Virtual Reallıq - Burada sərginin qonaqları Bakının ən hündür nöqtələrindən birini virtual

şəkildə ziyarət edəcək, hündürlükdən qorxmayan cəsarətli qonaqlar isə kiçik müsabiqədə iştirak edə biləcəklər.

* Bakcell Arena - Qonaqlar stend ərazisində qurulan kiçik futbol sahəsində futbol çempionatının iştirakçısı olacaqlar. Sərgi keçirildiyi müddət ərzində hər gün baş tutan finalın qalibləri Mançester şəhərinə pulsuz səfər etmək imkanı qazanacaqlar.

* PES2017 yarışması - Play Station oyununda qalib olan iştirakçılara pulsuz danışıq dəqiqələri təqdim ediləcək.

* Applab - Stendin bu hissəsində qonaqlar Applab innovativ mobil developer layihəsi barədə ətraflı məlumat alacaq, proqrama qoşulma qaydaları və üstünlükləri barədə məlumatla tanış olacaqlar.

* Sür@- Bu guşədə qurulmuş qaçış lenti trenajorunda iştirakçılar 40 saniyə ərzində qət edə bildikləri məsafə müqabilində pulsuz internet trafiki ala biləcəklər.

“Regionun ən böyük tədbirlərindən biri hesab edilən “BakuTel” sərgisi 20 ildən artıqdır ki, ölkənin telekommunikasiya və informasiya texnologiyaları sahəsinin güzgüsü rolunda çıxış edir. Bu il 20 illiyini qeyd edən Azərbaycanın İlk Mobil Operatoru və Aparıcı Mobil İnternet Provayderi Bakcell şirkəti ənənəvi qaydada bu önəmli tədbirdə iştirak edir. Beynəlxalq nüfuzlu “BakuTel”də iştirak bizə öz məhsul və xidmətlərimizi nümayiş etdirmək və yeni tərəfdaşlıqların qurulmasında mühüm rol oynamaqla yanaşı abunəçilərimizlə birbaşa ünsiyyət üçün tam fərqli şərait yaradır. İnanırıq ki, sağlam rəqabət üçün özünəməxsus biznes-platformaya çevrilmiş bu tədbir hər il olduğu kimi bu il də yüksək səviyyədə təşkil olunacaq və iştirakçılarla yanaşı ziyarətçilər üçün məhsuldar olacaq. Sərginin təşkilatçıları və bütün iştirakçılara uğurlar arzu edirik!”, deyə Bakcell şirkətinin baş marketinq və satış direktoru cənab Fedja Hadziç bildirib.

Qeyd edək ki, Bakcell şirkəti ilk gündən etibarən hər il “BakuTel” sərgisində iştirak edir və ziyarətçilərə öz xidmət və məhsullarını nümayiş etdirməklə yanaşı onlar üçün müxtəlif əyləncələr təşkil edir.

***

Bakcell haqqında

Azərbaycanın İlk Mobil Operatoru və Aparıcı Mobil İnternet Provayderi Bakcell şirkəti müasir mobil kommunikasiya xidmətləri istifadəçilərinə geniş çeşiddə məhsullar təklif edir. Bakcell, Sür@ ticarət nişanı adı altında öz abunəçilərinə ən mükəmməl 3G və 4G mobil internet xidməti göstərir.

Ölkənin qeyri-neft sektorunun ən iri investorlarından biri olan Bakcell, ən son texnologiyalar və abunəçilərinə xidmət edən insan resursları vasitəsilə Azərbaycan iqtisadiyyatına böyük həcmdə sərmayə yatırmaqda davam edir.

5300-dən artıq baza stansiyası sayəsində Bakcell şəbəkəsi əhalinin 99%-ni, ölkə ərazisinin isə 93% -ni (işğal olunmuş ərazilər istisna olmaqla) əhatə edir. İnnovasiyalar sahəsində lider olan Bakcell şirkəti öz Sür@ xidməti və yeni əməkdaşlıqlar vasitəsilə Azərbaycan xalqını ən yüksək səviyyəli mobil internet xidmətləri ilə təmin edir. “Bakcell”in 3G xidməti Azərbaycanın bütün regionlarında mövcud olmaqla əhalinin 93%-ni əhatə edir. 250-yə yaxın pərakəndə satış nöqtəsi və paytaxt və bölgələrdə fəaliyyət göstərən 30 Müştəri Xidməti Mərkəzində Bakcell abunəçilərinə ən üstün müştəri xidməti göstərilir.

Son 4 il ərzində ən yaxşı mobil internet xidməti kimi öz təsdiqini tapmış 3G Sür@ xidmətindən sonra, 5 may 2015-ci il tarixində Bakcell özünün 4-cü Sür@ brendinin - 4G LTE xidmətinin kommersiya istifadəsinə verilməsini elan edib. Mobil internet sürətinin əhəmiyyətli dərəcədə artmasını təmin edən 4-cü Sür@ xüsusilə mobil olmaq və bütün məkanlarda internetə yüksək sürətli çıxış imkanı əldə etmək istəyən istifadəçilər üçün nəzərdə tutulub.

Uzunmüddətli tərəfdaşlıq müqaviləsi çərçivəsində Bakcell şirkəti bütün MDB məkanında “Mançester Yunayted”in ilk rəsmi telekommunikasiya və yayım partnyoru olaraq Azərbaycandakı futbol həvəskarlarına və xüsusilə, Mançester Yunayted azarkeşlərinə geniş çeşidli xüsusi və eksklüziv məzmun təqdim edir.

Bakcell və onun məhsul və xidmətləri haqqında ətraflı məlumat əldə etmək üçün, xahiş edirik, www.bakcell.com internet səhifəsinə daxil olun və ya 555-ə zəng edin. Press-relizlərlə tanış olmaq üçün www.bakcell.com/az/news (və ya İngilis dili üçün www.bakcell.com/en/news) səhifəsinə daxil olun.

Qeyri-Bakcell abunəçiləri isə 055 0000 555 nömrəsinə zəng etməklə Bakcell-in xidmətləri haqqında məlumat əldə edə bilərlər.

Tarix
30 Noyabr [00:09]
Müəllif
Ucnoqta.az
Digər xəbərlər

"Azadlığ"ın qiyməti 175 min avrodur? - Pul davası

Fond qəzetlərə maliyyə yardımı ayırdı- SİYAHI

Fondun keçirdiyi fərdi jurnalist yazıları müsabiqəsinin qalibləri açıqlandı

Fondun Mədəniyyət və Turizm Nazirliyi ilə birgə keçirdiyi müsabiqənin nəticələri açıqlandı

Azərbaycan KİV rəhbərləri Türkiyə Xarici İşlər Nazirliyində olublar

Azərbaycan KİV rəhbərləri Türkiyə Böyük Millət Məclisi və “Anadolu” Agentliyində olublar

“İstanbuldakı terroru dəstəkləyən alman müxbir Çeyz Vinter cəzalanmalıdır”

Əhməd Şahidov ATƏT-də məsələ qaldırıb

Azərbaycan KİV rəhbərlərinin Ankaraya səfəri davam edir

Azərbaycan KİV rəhbərlərinin Ankaraya səfər proqramı başlayıb

“Kaspi” qəzetinin 135 illiyi qeyd edilib

Xəbər xətti
Çox oxunanlar
Köşə yazıları
Sorğu
İşğal altında olan torpaqların hansı yolla qaytarılmasına tərəfdarsan?
 müharibə
 sülh
 bilmirəm
Maraqlı

Bakı şəh,Yasamal rayonu,

Mikayıl Müşfiq küç 15/17

Tel: (012) 539-19-05,539-19-04

Email: [email protected]

Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.