Böyrək çatışmazlığından əziyyət çəkən gənc aktyora donor tapılıb

Böyrək çatışmazlığı xəstəliyindən əziyyət çəkən Abdulla Şaiq adına Azərbaycan Dövlət Kukla Teatrının aktyoru Rəhim Rəhimovun səhhəti ağır olaraq qalır. R.Rəhimov “Report”a açıqlamasında deyib ki, hazırda müalicəsi davam edir. 

O bildirib ki, xəstəliyinin əsas səbəbi kreatinin yüksək olmasıdır: "Kreatin aşağı düşsə, böyrəklərimin fəaliyyəti artacaq. Sonuncu müayinədən həkimlər böyrəklərimin fəaliyyətinin 2 faiz artığını və 31 faizə qalxdığını dedilər. Əvvəlki göstəricilər 29 faiz idi. Həkimlər ən yaxşı göstərici kimi böyrəklərin fəaliyyətinin 40 faizə qalxmasını göstərirlər. Əgər belə olsa, əməliyyatın müddətini bir qədər də uzatmaq olar". 
R.Rəhimov qeyd edib ki, hazırda ağır müalicə alır: "Ciddi pəhrizdə olduğuma görə çəkim xeyli azalıb. Yenə də ümidimi üzmürəm. Həkimlər deyirlər ki, orqanizmdən çox şey asılıdır. Belə xəstəliklə 6 ay, bir il böyrəkləri dəyişdirilmədən yaşayan adamlar var. Amma təbii ki, bu müvəqqətidir. Sonda yenə də əməliyyat və böyrək köçürülməsi zəruridir. Yaxın adamlardan biri donor olmağa razılıq verib". 
Aktyor deyib ki, əməliyyatla bağlı son qərar sentyabrda veriləcək: "Həmin vaxta qədər müalicəm davam edəcək. Növbəti həkim yoxlamasından avqustun 2-də keçəcəm".
R.Rəhimov bildirib ki, xəstəliyi ağır olduğuna görə müalicəsi böyük vəsait tələb edir: "Hər ay müalicəmə 1000 manat pul xərclənir. 3 aydır işləyə bilmirəm. Bu mənə çox ağır gəlir. Hər zaman işləyən adam olmuşam. İndi mənə çox ağırdır".

Tarix
13 İyul 2016 [13:18]
Müəllif
Üç nöqtə
Digər xəbərlər
2016-07-13 13:18:54
Xəbər xətti
Foto
Video
Çox oxunanlar
Sorğu
Qışa hazırsınız?
 bəli
 xeyr
KİV
Virtual Qarabağ

Ən son xəbərləri səhifəmizdən də izləyin