Litvada sürücülük imtahanının yalnız rəsmi Litva dilində və ya Avropa Birliyinin rəsmi dillərindən birində verilməsi tələbi qüvvəyə minib.
Ucnoqta.az xəbər verir ki, müvafiq qayda Baltikyanı respublikanın daxili işlər naziri Vladislav Kondratoviç tərəfindən təsdiq edilib.
Bu qaydanın 2025-ci ildə qüvvəyə minməsi nəzərdə tutulsa da, müvafiq hazırlıq üçün bir il təxirə salınıb.
Sürücülük imtahanının nəzəri hissəsi rəsmi Litva dilində və ya rəsmi Aİ dillərindən birində verilə bilər. Praktik hissə istənilən rəsmi Aİ dilindən tərcüməçinin köməyi ilə tamamlana bilər, bunlardan 24-ü var.