Stress, pis qidalanma və aşağı hərəkətlilik döş xərçənginə səbəb olur
Buna çox vaxt meqapolislərdə əlverişsiz həyat şəraiti səbəb olur. Məhz bu ərazilərdə ekoloji vəziyyət pisdir və bir çox insanlar xroniki stresə məruz qalırlar.
Ucnoqta.az xəbər verir ki, Ümumdünya Səhiyyə Təşkilatı (ÜST) 2021-ci ildə təxminən 2,3 milyon yeni döş xərçəngi halının olduğunu bildirirdi.
Əgər əvvəllər xəstələrin əksəriyyəti 50 yaşdan yuxarı idisə, indi 30-35 yaşlı qadınlar bu xəstəliklə daha çox rastlaşırlar.
Onkoloq və mammoloq Yelena Jukova hesab edir ki, burada mühüm amil əhalinin artan hissəsinin yaşadığı meqapolislərdə ekoloji vəziyyət olub.
"Havanın çirklənməsi və yaşıllıqların olmaması, həmçinin qeyri-sağlam qidalanma, idmanın olmaması və nizamsız yuxu hormonal balanssızlıqlar, o cümlədən estrogen səviyyəsinin artması üçün zəmin yaradır" – Jukova deyir.
O, kortizol və adrenalin istehsalında xroniki stressin rolunu da qeyd edib. Bu maddələr döş xərçənginin inkişafı üçün əsas ola bilər.
Lakin xəstəliyin “cavanlaşması” ilə yanaşı, tibb də inkişaf edib, onkologiyaya erkən mərhələdə diaqnoz qoymağa imkan verib.
