Məktəbdə “Son zəng”ə görə pul yığılması iddiasına AÇIQLAMA

18:29 - 27 May 2022 - Cəmiyyət

Bakı Şəhəri üzrə Təhsil İdarəsi Mikayıl Müşfiq adına 18 nömrəli tam orta məktəbin direktoru Rəna Süleymanovanın “Son zəng”də məzunlar üçün birinci sinif şagirdlərindən 70 manat pul yığılması ilə bağlı iddianı araşdırıb.

Qurumdan Oxu.Az-a bildirilib ki, direktorun pul yığması iddiası öz təsdiqin tapmayıb:

“Bakı şəhəri 18 nömrəli tam orta məktəbdə “Son zəng” tədbirinin keçirilməsi üçün şagirdlərdən pul tələb olunmasına dair məsələ araşdırılıb. Araşdırma zamanı qeyd olunan hallar təsdiqini tapmayıb”.

Qeyd edək ki, Bakı şəhərində fəaliyyət göstərən Mikayıl Müşfiq adına 18 nömrəli tam orta məktəbin direktoru Rəna Süleymanovanın “Son zəng”də məzunlar üçün birinci sinif şagirdlərindən 70 manat pul yığıldığı iddia edilmişdi.

Xəbər xətti