İsmayıllıda ağacəkmə aksiyası keçirildi

Fevralın 23-də “Xocalıya ədalət!” beynəlxalq maarifləndirmə kampaniyası çərçivəsində İsmayıllı rayonunda ağacəkmə aksiyası keçirilib.

Bu barədə Ucnoqta.az -a İcra hakimiyyyətindən bildirilib. Kampaniya Heydər Əliyev Fondunun vitse-prezidenti Leyla Əliyevanın təşəbbüsü ilə 2008-ci ildən həyata keçirilir. Kampaniyanın fəaliyyəti Xocalı soyqırımı qurbanlarının xatirəsinin yad edilməsinə, sağ qalmış ailələrə dəstək göstərilməsinə, bu hadisələrin yaddaşlarda yaşamasına, xüsusən də gənc nəsil tərəfindən unudulmamasına yönəlib.

Kampaniyanın keçirilməsində əsas diqqət kütləvi qırğınlara, etnik təmizləmə, irqi və ya dini ayrı-seçkilik hallarına qarşı güclü müqaviməti nümayiş etdirməyə, Xocalı soyqırımı qurbanları ilə həmrəyliyi ifadə etməyə və Xocalıda azərbaycanlılara qarşı törədilmiş cinayətlərə görə cəzasızlıq halları ilə mübarizəyə istiqamətlənib.

İsmayıllı Rayon İcra Hakimiyyətinin məsul əməkdaşlarının iştirak etdikləri aksiyada Xocalı soyqırımının 29-cu ildönümü ərəfəsində soyqırım qurbanlarının xatirəsinin əbədiləşdirilməsi məqsədilə Şəhidlər Xiyabanın ətrafında, “Zəfər” parkında və Ə.Ələkbərzadə küçəsində eldar şamı, göyrüş və ağcaqayın cinslərindən ibarət 613 ədəd ağac aqrotexniki qaydalara uyğun olaraq əkilib.

Bu istiqamətdə tədbirlər bundan sonra da mütəmadi olaraq davam etdiriləcək.

Tarix
23 Fevral 2021 [19:42]
Müəllif
Üç nöqtə
Digər xəbərlər
2021-02-23 19:42:51
Xəbər xətti
Foto
Video
Çox oxunanlar
Sorğu
Tibbi maskalardan istifadə edirsiniz?
KİV
Virtual Qarabağ

Ən son xəbərləri səhifəmizdən də izləyin