Dörd dil bilən şəhid direktorun evindən - Videoreportaj

Ötənilki Bayraq Günündə Şuşaya bayraq sancmağı arzulayan məktəb direktoru builki Bayraq Günündə Şuşa uğrunda döyüşlərdə şəhid olub. 

“Qafqazinfo”nun əməkdaşları Ağstafa rayonunun Qırılı kəndində olub, 4 xarici dil bilən şəhidimiz Elvin İmaməliyevin ailəsindən reportaj hazırlayıblar.

Oğlunun igidliyi ilə qürur hissi keçirdiyini vurğulayan E.İmaməliyevin atası Elsevər İmaməliyev deyir ki, Elvin ordu sıralarına qoşulmağı özü arzulayıb:
“Atam da, babam da, onun atası da evin tək oğlu olub. Mən də evim tək oğluyam. Elvin də tək oğlan idi. Bu silsiləni Elvin pozdu, onun iki oğlu var. Amma özü şəhid oldu…”

Qəhrəman atası danışır ki, Elvin İmaməliyev fransız dili üzrə təhsil alıb və bununla yanaşı alman, ingilis, rus dillərini də öyrənib.

Bakıda neft sahəsində ixtisaslaşan Fransa şirkəti ona yüksək maaşla iş təklif etsə də, Elvin bundan imtina etməli olub. Körpəlikdən nənə və babasının yanında böyüyən Elvin nənəsinin sözü ilə kəndə, onun yanına qayıdıb. Bir müddət fransız dili müəllimi kimi işləsə də, sonradan yüksək balla direktor vəzifəsinə qəbul olub.

Elvin İmaməliyev sentyabrın 27-də Azərbaycan Silahlı Qüvvələrinə könüllü yazılıb, 29-da isə cəbhəyə yollanıb. Noyabrın 9-da Qırımızı bazar kəndi uğrunda döyüşlərdə mərmi yarası alaraq qəhrəmancasına şəhid olub.

Şəhid məktəb direktorundan yadigar isə iki azyaşlı oğlu qalıb. Babalarının sözlərinə görə, qəhrəmanımız şəhid olan gün büküldüyü bayrağı nəvələri “Atamın bayrağı!” deyə adlandırıblar...

Tarix
23 Noyabr 2020 [15:01]
Müəllif
Üç nöqtə
Digər xəbərlər
2020-11-23 15:01:10
Xəbər xətti
Foto
Video
Çox oxunanlar
Sorğu
Tibbi maskalardan istifadə edirsiniz?
KİV
Virtual Qarabağ

Ən son xəbərləri səhifəmizdən də izləyin